Video Of Day

Breaking News

పాక్ కాల్పులను తిప్పికొట్టిన భారత బలగాలు

జమ్మూకాశ్మీర్ అంతర్జాతీయ సరిహద్దులో పాక్ సైన్యం కాల్పులు కొనసాగుతూ ఉన్నాయి. 63 బీఎస్ఎఫ్ శిబిరాలపై పాక్ రేంజర్లు జరుపుతున్న కాల్పులను భారత జవాన్లు తిప్పికొడుతున్నారు. ఈ క్రమంలో, పాక్ జరిపిన కాల్పుల్లో సాంబా సెక్టార్లో ఉన్న సరిహద్దు గ్రామానికి చెందిన ఓ మహిళ మృతి చెందింది.
ఇండో-పాక్ బోర్డర్ లో యుద్ధ వాతావరణం నెలకొంది. కాల్పుల విరమణ ఒప్పందాన్ని తుంగలో తొక్కిన పాక్ ముష్కర సైన్యం జమ్మూ అంతర్జాతీయ సరిహద్దులో ఉన్న 63 బీఎస్ఎఫ్ పోస్టులపై గత రాత్రి నుంచి కాల్పులకు తెగబడుతోంది. ముఖ్యంగా సాంబా, హీరానగర్, ఆర్ఎస్ పురా, అర్నియా, పర్గ్ వాల్, కనాచక్ సెక్టార్లపై దాడులు చేస్తోంది. పాక్ దాడులను భారత జవాన్లు సమర్థవంతంగా తిప్పికొడుతున్నారు. రెండు దేశాల జవాన్ల మధ్య భారీ ఎత్తున కాల్పులు జరుగుతున్నాయి. పాకిస్థాన్ రేంజర్లు మోర్టార్ షెల్లింగ్ కూడా చేస్తున్నారు. ఈ దాడుల్లో ఒక బీఎస్ఎఫ్ జవానుతో పాటు ఐదుగురు సాధారణ పౌరులు గాయపడ్డారు. రెండు పాకిస్థాన్ స్థావరాలను మన జవాన్లు ధ్వంసం చేశారు.

No comments